छत्तीसगढ़ : रायपुर दिनांक 19जून 2019 को दईहान फिलिम के शूटिंग गरियाबंद जिला के गांव मोहरा अउ बरुका म होए हे जहा आप मन ल आज भी कच्चा घर देखे बर मिलहि अउ ये गांव म नदिया झरना डेम जैसे पूरा गांव आज भी गांव के लोगन मन इहा ऐसे ही रहथे जैसे पहली रहत रहिस इहि ल ये फिलिम म बताये हावय अउ ये फिलिम के शूटिंग म बहुत दिन लगिस काबर की फिलिम निर्देशक भूपेंद्र साहू मास्टर शॉट म यकीन रखथे अउ ये फिलिम म रजनीश झांझी, जागेश्वरी मेश्राम, अंजली सिंह, संदीप मन हावय ये फिलिम के ज्यादा तर सिन मास्टर शॉट म ही होए हावय फिलिम के टाइटल अनुसार गाय भईस बैलगाड़ी के दृश्य ले भरे हावय ये फिलिम म हीरो संदीप अउ जैकी भोपाल म भारत भवन के थिएटर आर्टिस्ट हे. ये मन ल छत्तीसगढ़ी भाषा के कोई अनुभव नई रहिस हे शूटिंग के एक दिन पहली ये रहर्षल करय अउ तब जाके ये फिलिम म काफी अच्छा किरदार ल निभाईंस ये फिलिम के निर्माता मलयज साहू, निर्देशक भूपेंद्र साहू , गीत अउ संगीत भूपेंद्र साहू, पठकथा संवाद भूपेंद्र साहू।